ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН МӨСНИЙ ҮЗЭГДЭЛ, ЗУЗААНЫ ТОЙМ МЭДЭЭ

ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН МӨСНИЙ ҮЗЭГДЭЛ, ЗУЗААНЫ ТОЙМ МЭДЭЭ

       2024 оны 3 дугаар сарын 11-ний өдрийн байдлаар

Ойрын өдрүүдэд нийт нутгаар дулаан байх тул цас хайлж шар ус буух нөхцөл бүрдээд байна. Иймд шар усны үерээс урьдчилан сэргийлэх арга хэмжээ авна уу.

          Хангай нурууны зүүн хойт хажуугаас эхтэй Орхон гол нь Бат-Өлзий сумын орчим битүү мөсөн бүрхүүлтэй, мөсний зузаан 128 см, мөсний зузаан олон жилийн дунджаас 5 см нимгэн байгаа бол Хархорин сумын орчим битүү мөсөн бүрхүүлтэй, мөсөн доогуур урсацтай, мөсөн дээгүүр шар ус урссан, мөсний зузаан 95 см, мөсний зузаан олон дунджийн орчим байна.

           Хангай нурууны өврөөс эхтэй Онги гол Уянга сумын орчим битүү мөсөн бүрхүүлтэй, мөсний зузаан 136 см, мөсний зузаан олон жилийн дунджаас 15 см зузаан байгаа бол Арвайхээр сумын орчим битүү мөсөн бүрхүүлтэй, мөсний зузаан 39 см, мөсний зузаан олон жилийн дунджаас 10 см зузаан байна.

            Хангай нурууны өвөр хажуугаас усжих Таац гол Нарийнтээл сумын орчим битүү мөсөн бүрхүүлтэй, мөсний зузаан 82 см, мөсний зузаан олон жилийн дунджаас 35 см зузаан байна.

           Сангийн далай нуураас эхтэй Зэгстэй гол нь Өлзийт сумын орчим битүү мөсөн бүрхүүлтэй, мөсний зузаан 27 см, мөсний зузаан олон жилийн дунджийн орчим байна. Хөгшин Орхон гол нь Хархорин сумын орчим битүү мөсөн бүрхүүлтэй, мөсний зузаан 51 см, мөсний зузаан олон жилийн дунджаас 10 см зузаан байна.

Арвайхээр сумын газар доорх усны түвшний хэмжилтийн цооногт хийсэн хэмжилтээс харахад: Газрын доорх усны түвшин өмнөх оны энэ үетэй харьцуулахад 1.2 м орчим дээшилсэн байна.

ӨВӨРХАНГАЙ АЙМАГ  УЦУОШТӨВ

                                                           УС СУДЛАЛЫН САЛБАР